"Unser Hoamat liegt tief in der Eisenwurzen drinn. Derartig ruhig und schen`, dast moanst die Zeit bleibt do a weng stehn. 

Unser Landschaft is vom Mischwald und grünen Wiesen geprägt, des seit Jahrhunderten der Bauernstaund do mit Liebe hegt und pflegt.

Früherszeiten ist des die Heimat der Köhler, Flöser und Hammerherrn gwen, und da Erzberg hot vielen von do is tägliche Brot zum Leben gem.

In unserer Hoamat is a die Luft nu so rein und so kloa, in da Nocht moanst die Sterne leichtn wie tausend Diamanten hervor. Des hod schon der eine oder andere bedocht, und zum Betrachten dieser schon unzählig viele Stundn verbrocht.

Bei uns do schiast is Wasser aus die Berquellen hervor - so stoak und kloa wie ein Bergkristall - des Menschen wichtigstes Lebenselixier - in seiner reinsten Form findest du es hier.

Drüber übern Berg stehst a schon im Gesäuse mittendrinn. So steil und hoch die grauen Mugln a san, wennst a Gipflkreuz erklimmst und voll Ehrfurcht in die Welt aussischaust - überkimmt die des Gefühl wie groß und herrlich Gottes Schöpfung doch is - und wie kloa und nichtig du als Mensch dagegen bist.

Wennst dann bei uns am Hof a kloans Zeitl zum Still werden verbringst, do wirds dir dann gach mit jedem Herzschlog gwiss, dass unser Hoamat nu a kloans Stückerl vom Himmelreich is."